Bilatu BERTAN elkarteko establezimenduak

Mutrikuko establezimenduek kale, auzo eta herriaren identitatea sortzen dutelako; kaleei argia eta kolorea emanez, herriari bizitza emanez.

Herrian erosita herritarren zuzeneko nahiz zeharkako lanpostuak sortu eta bermatzen ariko zarelako.

Establezimenduetako langileak zure bizilagunak direlako. Eneritzen ama edo Mikelen aita, Mari Pazen alaba edo Jose Ramonen semea.

Mutrikuko establezimenduek zergak herrian eta gure herrialdean ordaintzen dituztelako eta ez atzerrian. Gure hezkuntza eta osasun sistemara, jolas parke eta herriko beharretara bideratzen dira beraien zergak, eta ez atzerrira.

Mutrikuko establezimenduak topaleku direlako. Lagunekin, ezagunekin edo aspaldi ikusi ez duzun horrekin topatu eta elkartzeko lekuak, herritar sentitzeko guneak.

Herrian erosita jasangarritasunaren aldeko apustua egiten duzulako. Autoak alde batera utzita, munduaren biziraupenaren aldeko konpromezua hartzen duzu, ondoren etorriko direnei mundu hobea uzteko.