Bertan elkarteak Ostiral Zoroa ospatuko du ostiralean 5J urdaiazpiko bat zozketatuz
Azaroaren 25ean Black Friday eguna ospatzen da mundu mailan. Egun hauetan promozio honen inguruko iragarkiak non nahi ikusi ahal dira. Aldiz, Mutrikun Ostiral Zoroa ospatuko du Bertan Mutrikuko Merkatarien Elkarteak, egun horretan erosketak egiten dituztenen artean 605€-ko balioa duen 6 – 7 kg -ko 5J ezkur-urdaiazpiko %100 Iberikoa zozketatuko du.
Azken urteetan Black Friday eguna munduan zehar aski ezaguna egin da, batez ere online erosketetan. Asko dira egun edo aurreko asteetan online erosteko aukera egiten dutenak, bai Mutrikun eta baita munduko herri ezberdinetan. Egoera horrek, aurretik online erosketek herriko komertzioei egiten dien mina areagotzen du gabon aurreko erosketetan.
Ondorioz, Bertan Merkatarien Elkarteak egun horretan herritarrak herrian erosten jarraitzeko helburuarekin Ostiral Zoroa izeneko ekimena jarriko dute martxan. Ekimena ostiralerako bakarrik izango da, 24 ordu iraungo duen promozio berezia izango da. Ostiral Zoroan 5€-ko gastuaren truke zozketarako zenbaki bat jasoko dute bezeroek. Adib.: 20 euroko erosketa bat eginez gero lau izango dira jasoko dituzten zenbaki kopuruak. Azaroaren 25an banatutako zenbaki guztien artean 5J urdaiazpiko famatuaren 6-7 kiloko ezkur urdaiazpiko bat zozketatuko da. Taberna eta jatetxeek egun horretan berandu arte lan egingo dutenez, zozketa hurrengo astelehenean, azaroaren 28an, egingo dute.
Zozketaren zenbaki irabazlea Bertan Elkarteko sare sozialetan (facebook eta instagram), www.mutrikubertan.eus webgunean eta erakuslehiotan jarriko dituzte.
5 jota urdaiazpikoa merkatuan gehien kotizatzen den urdaiazpiko iberikoa da. Iberiar % 100 arrazako txerriaren atzeko hankatik egina dago, 1879az geroztik inolako aldaketarik gabe artisau- prozesua jarraituz. Txerriak ezkurrak jaten ditu, penintsulako hego-mendebaldean dagoen dehesan aurkitzen dituenak, eta Cinco Jotas urdaiazpiko iberiko baten zapore eta testura hain bereizgarria ematen dio. Cinco Jotas upategia Jabugo udalerrian dago. Urdaiazpiko iberikoa egoera pribilegiatuan dagoenez, baldintzak egokiak dira urdaiazpiko iberikoa sendatzeko.
Honako establezimenduetan erosita lortu ahal izango dira zozketarako zenbakiak:
Adats ileapaindegia, Alazne optika audiologia, Albaro denda, Alboka okindegi eta kafetegia, Ametza taberna, Ansorregi oinetakoak, Apain estetika zentroa, Aparra arropa denda, Astigarraga anaiak, Bar puerto, Bigara fruta denda, Buceo Euskadi · Camping Galdona, Ekoamalur Belardenda, Garaia arropa denda, Gotzon arrandegia, Goxart obradorea, Iparragirre altzariak, Iripe etxetresnak, Islada fisioterapia, Joseba Elezgarai masaje eta osteopatia , Lon apraiz botika , Loretxu taberna, Madariaga paperdenda, Maider Pinto estetika eta terapia naturalak, Maneiro lentzeria, Mapfre Mutriku, MGS aseguruak, Perras arraindegia, Potero denda, Sabina, Tximak ileapaindegia, Txalaparta okindegi eta kafetegia, Zelaieta jatetxea.